ARMENIAN
ENGLISH
RUSSIAN
Ռեզիդենտների և երիտասարդ գիտնականների Եվրոպական 3-րդ համաժողովը
Հարգելի գործընկերներ,
Վիրաբուժության եվրոպական միությունը (www.essurg.org) և Վիրաբույժների հայկական ասոցիացիան (www.AAS.am) 2018թ. սեպտեմբերի 26-28-ը Երևանում համատեղ անցկացնելու են Վիրաբուժության եվրոպական միության 22-րդ տարեկան համաժողովը և Վիրաբույժների հայկական ասոցիացիայի 4-րդ հնգամյա վեհաժողովը. համատեղ միջոցառումն ընդգրկելու է նաև ռեզիդենտների և երիտասարդ գիտնականների Եվրոպական 3-րդ համաժողովը: Համաժողովի կայքը հասանելի է հետևյալ հասցեով. www.ess2018.am.
Ավելի քան 20 տարի Վիրաբուժության եվրոպական միությունը հաջողությամբ իրականացնում է իր առաքելությունը, ջանքեր է գործադրում հարստացնելու և ուժեղացնելու համագործակցությունը արևելքի և արևմուտքի վիրաբույժների միջև:
Այցելությունը Երևան առավել հետաքրքիր կլինի Ձեզ համար, քանի որ Հայաստանի մայրաքաղաքն այս տարի նշելու է իր հիմնադրման 2800-ամյակը:
Հրավիրում ենք համաժողովի` անմոռանալի տպավորությունների ակնկալիքով:
Համաժողովի կազմկոմիտե
12.Մարտ.2018.
